Si pasojë e heqjes së regjimit të vizave në zonën Schengen për shtetasit e Kosovës, tashmë edhe kompanitë e autobusëve kanë shpeshtuar linjat e udhëtimit, për çka edhe pronari i kompanisë “Sharr Teravel”, Ruzhdi Kurtaj, në një bisedë me “Ekonomia Online” njoftoi për numrin e madh të qytetarëve që kanë rezervuar bileta vajtje/ardhje Kosovë-Zvicer,
“Sigurisht përveç që është një lajm i mirë për qytetarët e Kosovës kërkesat janë shtuar bukur shumë sa i përket javës se parë për të udhëtuar drejt Zvicrës. Përderisa në operojmë me linja të rregullta Kosovë-Zvicër-Kosovë ne nga sot kemi linja të rregullta çdo ditë, pra kemi udhëtime çdo ditë Kosovë – Zvicër”, ka thënë ai.
“Fillimisht për javën e parë deri tash diku janë rreth një mijë qytetarë të cilët kanë bërë rezervimin e biletave kthyese qofshin bileta në drejtim të diasporës të cilët kanë ardhur për të festuar në Kosovë dhe tash po kthehen bashkë më familjarët të cilët i kanë marr me vete për t’i vizituar vendet ku ata jetojnë e punojnë për disa ditë dhe sigurisht ata do të kthehen prapë në Kosovë”, ka thënë Kurtishaj për EO, teksa është zotuar se nuk do të ketë shtrenjtim të çmimit të biletave, pavarësisht shtimit të numrit të udhëtarëve”, ka shtuar ai.