Të gjithë 379 udhëtarët dhe anëtarët e ekuipazhit të një aeroplani kanë shpëtuar pas përfshirjes së tij nga flakët, derisa po aterronte, në aeroportin Haneda në Tokio. Besohet se aeroplani me nr fluturimi 516 i kompanisë Japan Airlines, është përplasur me një aeroplan të Rojës Bregdetare japoneze i cili po dërgonte ndihma për tërmetin.
Për momentin nuk dihet për fatin e pesë personave që ndodheshin në aeroplanin e vogël derisa raportohet se një person ia ka dale të shpëtojë.
Ky aeroplan i udhëtarëve ishte nisur nga Sapporo në ishullin Hokkaido që ndodhet në very të Japonisë ndërsa po vinte në Tokio. Ndërsa Roja Bregdetare ka thënë se aeroplani i tyre ishte rrugës për në Aeroportin Niigata për të dërguar ndihma në Gadishullin Noto, në zonën e prekur nga tërmeti.
Të gjitha fluturimet nga aeroporti Haneda janë pezullua ndërsa kanë nisur hetimet për të kuptuar se si dhe në çfarë moment janë përplasur të dy aeroplanët.