Nuri Sahin nuk është më trajner i Borussia Dortmundit.
Klubi gjerman ka njoftuar përmes faqes zyrtare në rrjetet sociale se i ka ndarë rrugët me trajnerin e deridjeshëm.
Ish-futbollisti i njohur turk u shkarkua shkaku i rezultateve dëshpëruese të këtij sezoni, pas një analize të brendshme të bërë nga bordi i klubit nga Bundesliga, shkruan “Gazeta Express”.
E fatale për të ishte humbja e mbrëmshme me përmbysje nga Bologna me rezultat 1:2 në ndeshjen e fazës së ligës në Champions League.
Kjo humbje e thelloi krizën e ekipit Verdhezi, i cili e pësoi të katërtën radhazi në të gjitha kompeticionet.
Për dallim nga eksperienca e suksesshme që e kishte si futbollist, ajo si trajner për Sahinin në Dortmund ishte mjaft e shkurtër.
Ai e kishte marrë në dorë ekipin verën në verën e kaluar duke e zëvendësuar trajneren Edin Terzic.
Në ditët në vazhdim, Dortmundi do ta zyrtarizojë trajneren e ri, i cili do ta drejtojë skuadrën në ndeshjen e fundjavës kundër Werder Bremenit në Bundesligë. /Gazeta Express