Kryetari i Rahovecit, Smajl Latifi ka bërë të ditur se një zjarr ka shpërthyer në një fabrikë të plastikës në fshatin Sapniq të kësaj komune.
Latfi ka thënë se nuk ka pasur dëme në njerëz, po dëmet materiale janë të mëdha. Rasti ka ndodhur rreth orës 06:00 të mënegjesit.
“Sapo jam njoftuar, menjëherë kam dalë në vendin e ngjarjes për të parë nga afër situatën dhe për të koordinuar veprimet.
Shpreh keqardhjen time të thellë për këtë ngjarje të rëndë që ka prekur këtë biznes të rëndësishëm për komunën tonë! Fatmirësisht, nuk ka pasur dëme në njerëz, gjë që është një lehtësim i madh për të gjithë ne. Megjithatë, dëmet materiale janë të mëdha dhe ende nuk janë vlerësuar plotësisht. Falë ndërhyrjes së shpejtë dhe profesionale të zjarrfikësve, zjarri është lokalizuar dhe është shmangur përhapja e tij në zonat përreth.