Kryeministri i Kosovës, Albin Kurti në prag të ndërrimit të motmoteve ka vizituar familjet e dy heronjëve, Afrim Bunjaku dhe Enver Zymeri.
Ai shprehur mirënjohjen e thellë për familjen Bunjaku duke thënë se vepra e rreshterit Afrim do të mbetet në historinë e popullit shqiptar, raporton Zeri.info.
Pas familjes Bunjaku, Kurti i shoqëruar nga dy djemtë e Afrim Bunjakut vizituan familjen e Enver Zymerit.
“Enverin e kujtoj dy herë, një herë për shërbimin dhe sakrificën e tij dhe një herë tjetër për Bacën Rremë, babain e tij, Muharremin, shokun tim të burgut, me të cilin e kam ndarë të njëjtën qeli për një vit, në burg të Serbisë, e i cili ndërroi jetë para dy vitesh”, u shpreh Kurti.
Ai më tej shtoi se festat e fundvitit do të ishin më të plota me Afrimin e Enverin, por nuk duhet harruar asnjëherë, sespe ata janë historia e Kosovës.
Oficerët e policisë së Kosovës, Afrim Bunjaku e Enver Zymeri ranë në krye të detyrës për sundimin e ligjit, integritetin territorial dhe sovranitetin shtetëror të Republikës së Kosovës. /Zëri